የተጨማሪ እሴት ታክስ ተመላሽ መመሪያ ተሻሻለ

Posted in Latest News

የተጨማሪ እሴት ታክስ ተመላሽ መመሪያ ተሻሻለ

(መጋቢት 23/2011 ዓ.ም)

ከዚህ ቀደም በተጨማሪ እሴት ታክስ ተመላሽ አፈፃፀምን በተመለከተ አገልግሎት ላይ የነበሩትን  4 ሰርኩላሮችንና 6 መመሪያዎችን በአንድ በማካተት የተጨማሪ እሴት ታክስ ተመላሽ መመሪያ ቁጥር 148/2011 ሆኖ ፀድቋል፡፡

በዚህ መሰረት  የተጨማሪ እሴት ታክስ ተመላሽ አፈፃፀም  መመሪያ ቁጥር 15/1996፣ቅይጥ አቅርቦት እንዲሁም የካፒታል ግንባታ    ሲከናወን የተከፈለን የተጨማሪ እሴት ታክስ ስለማቀናነስ የወጣ መመሪያ ቁጥር 20/2001፣ ለሰብዓዊ እርዳታ ስለሚውል እቃዎች እና አገልግሎቶች የታክስ ነፃ መብት አፈፃፀም መመሪያ ቁጥር 23/2001 እና ለባለ ልዩ መብት ድርጅቶች ስራ ማስፈፀሚያ        እንዲውል  በሚከናወን የዕቃ እና የአገልግሎት ግዢ ላይ የተከፈለ የተጨማሪ እሴት ታክስ ተመላሽ የሚደረግበትን ሁኔታ ለመወሰን የወጣ መመሪያ ቁጥር 24/2000 ተሽረዋል፡፡

መመሪያውን ማሻሻል ያስፈለገበት ምክኒያትም ከዚህ ቀደም በተበታተነ ሁኔታ በመውጣታቸው  የተንዛዙና ለመረዳት አስቸጋሪ የነበሩ  መመሪያዎችንና ሰርኩላሮችን ወደ አንድ በማሰባሰብ ለግብር ከፍዩ ምቹና ቀልጣፍ አገልግትን ለመስጠት ታስቦ ነው፡፡

ይህ መመሪያ ተግባራዊ ሲደረግም የተመላሽ አገልግሎት ለመስጠት ይወስድ የነበረውን 60 ቀን ወደ 45 ቀን የሚቀንስ ይሆናል፡፡

ከዚህ በተጨማሪም የደረሰኝ ህትመት ፈቃድ አሰጣጥ ፣አያያዝ ፣አጠቃቀም፣  አወጋገድ እና ቁጥጥር መመሪያ ቁጥር 110/2008 ተሽሮ የታክስ ደረሰኝ አጠቃቀም እና አስተዳደር መመሪያ ቁጥር 149/2011 ፀድቋል፡፡

 

Visitors: Yesterday 119 | This week 119 | This month 1356 | Total 422580

We have 120 guests and no members online