ጥቅምት 18/2017 ዓ.ም (የገቢዎች ሚዲያ)

በ2017 በጀት ዓመት በእቅድ የተያዘውን የገቢ እቅድ ለማሳካት በ13ቱም የፌዴራል የገቢዎች ሚኒስቴር ቅ/ጽ/ቤቶች የተመደቡ ቡድኖች ከመስከረም 13- 23/2017 ዓ.ም ድረስ ባሉት ቀናት ውስጥ በየቅርንጫፍ ጽ/ቤቱ በመገኘት ድጋፍ እና ክትትል ተደርጓል፡፡

የድጋፍ እና ክትትል ቡድኖቹ በተቀመጡ 6 ዋና ዋና ድጋፍ የሚደረግባቸው መስፈርቶች በ13 ቅርንጫፍ ጽ/ቤቶች ጥንካሬና ድክመቶች፣ ቁልፍ ችግሮችና ከዋና መ/ቤት የሚጠበቁ ድጋፎች መረጃ ሰብስበዋል፡፡

ከዕቅድ ዝግጅትና ፈጻሚን ከማዘጋጀት አንፃር፣ ምቹ የሆነ የስራ ቦታና የግብዓት አቅርቦት ሁኔታ፣ የተገልጋዮች አገልግሎት አሰጣጥ፣ የገቢ ፊዚካል ሥራዎች አፈጻጸምና ያሉባቸው ተግዳሮቶች እንዲሁም ሌሎችም መስፈርቶች መመዘኛዎች ነበሩ፡፡ 

የቅርንጫፍ ጽ/ቤቶቹ ድጋፍና ክትትል ሪፓርት መሰረትም በዛሬው እለት ውይይት የተካሄደ ሲሆን በሪፖርቱ የሚታዩ ክፍተቶችን ለይቶ በፍጥነት ወደስራ መገባት እንዳለበት ሀሳቦች ተነስተዋል፡፡ በተለይም ቅዳሜ ሙሉ ቀን መስራትና ከስራ ሰዓት ውጪ መሰራቱ አበረታች በመሆኑ ተጠናክሮ መቀጠል እንዳለበት ክብርት ሚኒስትር ዓይናለም ንጉሴ አቅጣጫ ተሰጥቷል።